【遊戲治療助典型自閉症家庭】

曾經有一位讀小二嘅自閉症小朋友，一方面覺得屋企人好忙，無咩時間陪自己，另一方面就覺得自己每一日嘅行程好緊湊，放學之後要補習、做訓練、返到屋企又要做功課，壓力山大；而家長自己亦好無奈，覺得返工以外已經抽時間同小朋友做咗好多訓練，但都係無咩進步，吃力不討好。情況持續咗一段時間，小朋友因為覺得應付唔到家長嘅期望而令到情緒行為控制更差，而家長就覺得好氣餒，兩敗俱傷，形成惡性循環。

後來，家長帶小朋友進行遊戲治療，讓小朋友可以喺唔需要擔心觸怒家長嘅情況下，真實咁表達所想所感。心聲被接收後，小朋友亦在遊戲中獲取接纳和肯定，雖然外在問題依然存在，但小朋友的解難能力得以提升，更俱智慧迎接挑戰。同時，醫生會將遊戲治療中小朋友嘅表現話番畀家長知，令佢了解到小朋友嘅進度，循序漸進，配合其他訓練，令小朋友得以發展。

黃汝明醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。