【新舊時代嘅照顧方法】

上一代同而家新一代嘅教養方法好唔同︰上一代較多用自上而下嘅方式，用威嚴或權威去管教小朋友，透過責罵或者體罰去令小朋友聽話；而新一代則相對著重溝通，以互相尊重為大前提，透過達成共識，讓小朋友決定佢哋嘅發展。縱使教養方法大相逕庭，但兩代人作為家長嘅目標其實都係希望想小朋友能夠健康成長同發展並適應社會。如果四大長老有份幫手照顧小朋友，可以嘗試以呢個共同目標為依歸，再尋找共識。

如果兩代依然未搵到共識的話，或者可以試一試喺四大長老屋企行一套規距；喺自己屋企，又行另一套規距。雖然自閉症小朋友缺乏彈性，但只要清晰同小朋友表達規距同底線，兩代人好好互相尊重，而唔係互數對方嘅不是，小朋友潛意識亦會識得尊重並遵守兩套規距。

黃汝明醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。